Foydalanish shartlari

1. Umumiy qoidalar

Ushbu shartlar Legalio platformasi (legalio.uz sayti va Telegram boti) dan foydalanish tartibini belgilaydi. Ro'yxatdan o'tish yoki xizmatdan foydalanish orqali siz ushbu shartlarni qabul qilasiz. Rozi bo'lmasangiz, xizmatdan foydalanmang.

2. Xizmatning mohiyati — bu huquqiy maslahat emas

Legalio — sun'iy intellekt asosidagi axborot xizmati. Platforma qonun matnlari asosida javob tayyorlaydi, hujjatlarni tahlil qiladi va loyihalar yaratadi, biroq:

• Bu advokatlik yoki yuridik xizmat emas, va advokat bilan mijoz o'rtasidagi munosabatni vujudga keltirmaydi.
• AI javoblari xatolik qilishi mumkin — jumladan modda raqamlari, muddatlar va summalarda.
• Har qanday muhim qaror (sudga murojaat, shartnoma imzolash, soliq hisoboti) qabul qilishdan oldin javobni birlamchi manbadan (lex.uz) tekshiring va zarur bo'lsa malakali yuristga murojaat qiling.
• Platforma javoblariga tayanib ko'rilgan zarar uchun Legalio javobgar emas.

3. Hisob va foydalanuvchi majburiyatlari

• Ro'yxatdan o'tishda haqiqiy ma'lumot ko'rsatishingiz kerak.
• Hisobingiz parolini himoyalash sizning zimmangizda; hisobingiz orqali qilingan barcha amallar uchun siz javobgarsiz.
• Bir hisobni bir necha shaxs bilan bo'lishish taqiqlanadi (jamoa uchun tashkilot rejimi mavjud).
• 18 yoshga to'lmagan shaxslar xizmatdan mustaqil foydalana olmaydi.

4. Ruxsat etilmagan foydalanish

Quyidagilar taqiqlanadi:

• Platformani noqonuniy maqsadda, firibgarlik yoki boshqa shaxs huquqlarini buzish uchun ishlatish.
• Tizim cheklovlarini chetlab o'tishga urinish, avtomatlashtirilgan ommaviy so'rovlar yuborish, xizmatni buzishga qaratilgan harakatlar.
• AI ga qonunga zid ko'rsatma berish yoki uni belgilangan doiradan chiqarishga urinish.
• Platforma javoblarini o'z nomingizdan professional yuridik xulosa sifatida uchinchi shaxslarga sotish.
• Boshqa shaxsning hujjatini uning roziligisiz yuklash.

Ushbu qoidalar buzilganda hisob ogohlantirishsiz to'xtatilishi mumkin.

5. Tariflar, sinov muddati va to'lov

• Ro'yxatdan o'tgan yangi foydalanuvchi 5 kunlik bepul Premium sinov oladi. Sinov tugagach hisob avtomatik ravishda Bepul tarifga o'tadi — hech qanday to'lov yechilmaydi.
• Har bir tarifda oylik so'rovlar soni cheklangan — limit har oy boshida yangilanadi. Amaldagi cheklovlar va narxlar Narxlar sahifasida ko'rsatiladi.
• Narxlar o'zgarishi mumkin; o'zgarish amaldagi to'langan davrga ta'sir qilmaydi.
• To'lov tartibi va qaytarish shartlari to'lov tizimi ishga tushirilgach ushbu bo'limda aniqlashtiriladi.

6. Sizning kontentingiz

• Platformaga yuklagan hujjatlaringiz va yozgan matnlaringiz sizniki bo'lib qoladi.
• Xizmatni ko'rsatish uchun (tahlil qilish, javob tayyorlash, saqlash) bizga ushbu materiallarni qayta ishlash huquqini berasiz.
• Biz sizning hujjatlaringizni reklama maqsadida ishlatmaymiz va uchinchi shaxslarga sotmaymiz.
• Yuklayotgan hujjatga nisbatan tegishli huquqqa ega ekanligingizga kafolat berasiz.

7. Mijozga yuboriladigan havolalar

Platforma hisobot va ish holatini ko'rsatish uchun ochiq havola yaratish imkonini beradi. Bunday havolani biladigan har qanday shaxs undagi ma'lumotni ko'ra oladi. Havolani parol bilan himoyalash, muddat va ko'rishlar sonini cheklash hamda uni bekor qilish sizning ixtiyoringizda — havolani kimga yuborishingiz uchun javobgarlik sizda.

8. Xizmatning uzluksizligi

Xizmat "bor holicha" taqdim etiladi. Texnik ishlar, uchinchi tomon xizmatlaridagi uzilishlar yoki boshqa sabablarga ko'ra vaqtincha ishlamay qolishi mumkin. Biz uzluksiz ishlashni kafolatlamaymiz, lekin uzilishlarni imkon qadar tez bartaraf etishga harakat qilamiz.

9. Shartlarning o'zgarishi va tugatilishi

• Shartlar o'zgartirilishi mumkin; muhim o'zgarishlar haqida saytda yoki elektron pochta orqali xabar beriladi.
• Siz istalgan vaqtda xizmatdan foydalanishni to'xtatishingiz va hisobingizni o'chirishni so'rashingiz mumkin.
• Nizolar O'zbekiston Respublikasi qonunchiligiga muvofiq hal etiladi.

10. Bog'lanish

Savollar bo'yicha: t.me/legalio_bot